पोखरा २४, भदौं
घरेलु मैदानको फाईदा उठाउँदै आयोजक आर्दश क्लव लेखनाथको भण्डारढिकमा जारी रिद्धिसिद्धि सिमेन्ट २४ औं आर्दश कप फुटवल प्रतियोगिता २०७५ को फाईनलमा प्रबेश गरेको छ । प्रतिकुल मौसमका बाबजुत पनि क्लवले विभागिय टोली सशस्त्र प्रहरी वलको एपिएफ माथि ४–० को शान्दार जित हात पार्दै उपाधि नजिक पुगेको हो ।
आर्दश क्लवको जितमा विमल राना, देव प्रसुाद गुरुङ, शरेन क्षत्री र म्यान अफ दी म्याच घोषित भिसन गुरुङले एक÷एक गोलको योगदन दिए ।
आर्दश क्लवले भोलि हुने दोश्रो सेमिफाईनल खेल जाउलाखेल युथ क्लव र एन्फा स्याङजा बिचको विजेतासंग भदौं २७ गते फाईनल खेलमा प्रतिष्प्रर्धा गर्ने भएको हो ।
पहिलो हापमा गोल रहित खेल बराबरीमा टुंगिए पनि दोश्रो हाफको शुरुवातमा पेनाल्टी मार्फत एक गोलले पछि परेको ए्पिएफले कम व्याक गर्न सकेन । दोश्रो रोजाईका खेलाडीहरु ल्याएको एपिएफले दोश्रो हाफमा पहिलो रोजाइका गोलरक्षक अजित विक घाईते हुनु दुर्भाग्य भयोे ।
खेलको करिब १५ मिनेट बाँकी छदा रेडकार्ड पाएका एपिएफका विजयसिंह ठकुरी मैदानबाट बाहिरएका थिए । दोश्रो हाफको खेल सुरुभएसंगै ठुले बर्षा भएको थियो । केहि दर्शकले पानीमा भिज्दै फुटवल हेरेका थिए भने ।
एपिएफका कप्तान चक्र क्षेत्रीले रेफ्रिको गलत निर्णयको कारण, आफुहरुको पहिलो रोजाईको गोलरक्षक घाईते भएको हुँदा हार व्यहोर्नुपरेको बताए । आर्दशका प्रशिक्षक विश्वास गुरुङले आफुहरुले घरेलु मैदानको फाईदा उठाउन सक्दा जित सहज भएको बताए ।
मंगलबार दोश्रो सेमिफाईनल खेल जाउलाखेल युथ क्लव र एन्फा स्याङजा बिच हुने भएको छ ।
