पोखरा स्पोर्ट्स । इङलिश प्रिमियर लिग अन्तर्गत आर्सनलले लिड्स युनाइटेडमाथि फराकिलो जित हासिल गरेको छ ।
गएराती सम्पन खेलमा आर्सनलले लिड्स युनाइटेडमाथि ५–० गोल अन्तरको जित हासिल गरेको हो ।
घरेलु मैदानमा आर्सनलको जितमा जुरिएन टिम्बर र विक्टर ग्योकेरेजले २–२ गोल गरे भने बुकायो साकाले एक गोल गरेका थिए ।
यो आर्सनलको यस सिजनमा लगातार दोस्रो जित हो । त्यस्तै सिजनको पहिलो खेल जितेको लिड्स युनाइटेडले भने दोस्रो खेलमा हार बेहोरेको छ ।
त्यस्तै गएरातीनै सम्पन अन्य खेलमा ब्रेन्टफोर्डले एस्टन भिल्लालाई १–० ले पराजित गर्यो भने बर्नलीले सन्डरल्याण्डलाई २–० ले पराजित गरेको छ ।
