पोखरा स्पोर्ट्स । अखिल नेपाल फुटबल संघ (एन्फा) मा आबद्ध शहिद स्मारक लिगमा क्लबहरूका प्रतिनिधिले सातदोबाटोस्थित एन्फा मुख्यालयमा नाराबाजी गरेका छन् ।
सोमबार क्लबहरूका प्रतिनिधिले लिगको तालिका, कार्यविधि र विदेशी खेलाडीको वर्क पर्मिटलगायत विषयमा एन्फासँग विपति राख्दै विरोध प्रदर्शन गरेका छन् ।
क्लबका पदाधिकारीहरुले यस अघि दिएको चार बुँदे मागलाई एन्फाले सुनुवाई नगरेको उनीहरुको दाबि छ ।
उनीहरुले हचुवाको भरमा लिगको तालिका ल्याएको बताउदै उनीहरुले क्लबका मागको बेवास्ता गरेको आरोप लगाएका छन् ।
