पोखरा स्पोर्ट्स । भारत र वेस्ट इन्डिजबीचको दोस्रो टेस्ट आज शुरु भएको छ ।
टेस्टमा भारतले टस जितेर पहिला ब्याटिंग रोजेको छ । दिल्लीमा शुरु भएको यो टेस्टको पहिलो दिनको खेल सकिदा भारतले २ विकेट गुमाएर ३१८ रन बनाएको छ ।
भारतका लागि यशस्वी जैसवालले १७३ रन बनाएर खेलिरहेका छन् भने कप्तान शुभमन गिल २० रन बनाएर खेलिरहेका छन् । त्यस्तै साइ सुदर्शनले ८७ रन बनाएर आउट भए भने केएल राहुलले ३८ रन बनाएर आउट भए ।
त्यस्तै दुवै विकेट वेस्ट इन्डिजका बलर जोमेल वारिकानले लिएका थिए ।
