पोखरा स्पोर्ट्स । भारतीय क्रिकेट टिमले एसिया कप जितेपछि विजेताको ट्रफी नलिएको विषय यति बेला विश्वव्यापी चर्चामा रहेको छ ।
भारतले एशिया कपमा पाकिस्तानलाई पराजित गरेर उपाधि जितेपछि एसियाली क्रिकेट परिषद् (एसीसी) का अध्यक्ष मोहसिन नक्वीबाट ट्रफी नलिने निर्णय गरेको थियो, जसको परिणामस्वरूप टोलीले ट्रफी ग्रहण नगरी पुरस्कार समारोह समाप्त भयो ।
खेलकुदमा उपाधि विजेता टिमले प्रुमख अतिथिबाट ट्रफी ग्रहण नगरेको यो पहिलो ऐतिहासिक घटना समेत हो ।
हाल एसीसीका अध्यक्ष नक्वी पाकिस्तानका गृहमन्त्री समेत हुन् । उनले भारत र पाकिस्तानको टकरावमा भारतलाई आणविक हतियार गर्ने सार्वजनिक रुपमा भाषण गरेका कारण भारतीय टिमले ट्रफी लिन अस्विकार गरेको थियो । भातीय टिमले उनले बोलेको विषय खेलकुद भावना विपरित रहेको भन्दै विरोध गर्दै आएको थियो ।
पुरस्कार वितरण अघि भारतीय टोली व्यवस्थापनले विजेताको ट्रफी नक्वीबाट ग्रहण नगर्ने जानकारी गराएपछि पुरस्कार वितरण कार्यक्रम नै करिव १ घन्टा ढिला भएको थियो ।
फाइनल अघि पनि, भारतीय खेलाडीहरूले जितेमा नक्वीबाट ट्रफी स्वीकार गर्ने छैनन् भन्ने अनुमान गरिएको थियो । नक्वी पाकिस्तान क्रिकेट बोर्ड (पीसीबी) का अध्यक्ष र गृहमन्त्री पनि हुन् र आफ्नो भारत विरोधी अडानका लागि परिचित छन् ।
भारतीय टोलीले पाकिस्तानका कसैसँग हात नमिलाउने वा मैदान बाहिर कुनै पनि अन्तरक्रियामा संलग्न नहुने नीति अपनाएको थियो ।
