पोखरा स्पोर्टस । नेपाल हक्की संघको आयोजनामा पहिलो पटक राष्ट्रिय महिला ‘फाइभ ए साइड’ हक्की प्रतियोगिता हुने भएको छ ।
नेपालमा पहिलो पटक फाइभ ए साइड इन्डोर हक्की प्रतियोगिता हुन लागेको हो । प्रतियोगिता भक्तपुरको थिमीस्थित मिड भ्याली कलेजको फुटसलमा उक्त इन्डोर हक्की कोर्टमा हुनेछ ।
प्रतियोगितामा कोशी, मधेश, बागमती, गण्डकी, सुदूरपश्चिम र नेपाल आर्मी क्लब गरी पाँच टोलीले प्रतिस्पर्धा गर्ने नेपाल हक्की संघका महासचिव सूवर्ण श्रेष्ठले जानकारी दिएकी छन् ।
समूह ‘ए’ मा कोशी, बागमती र सुगूरपश्चिम तथा ‘बी’ मा आर्मी, गण्डकी र मधेश प्रदेश रहेका छन् ।
प्रतियोगिताको विजेताले ५० हजार र उपविजेताले २५ हजार रूपैयाँ नगद पुरस्कार पाउनेछन् ।
प्रतियोगिता लिग कम नकआउटको आधारमा हुने फाइभ ए साइडमा कुल २० मिनेटको खेल हुनेछ ।
प्रतियोगिताको उत्कृष्ट खेलाडीले ट्रफी पाउनेछ । साथै विधागत उत्कृष्टअन्तर्गत गोलकिपर, डिफेन्डर, सर्वाधिक स्कोरर र इमर्जिङ प्लेयरले पनि ट्रफी हात पार्ने आयोजकले जनाएको छ ।
