पोखरा स्पोर्टस । आहा रारा पोखरा गोल्डकपको विशेष दिनको खेलमा विभागिय टोली नेपाल पुलिस उपाधि नजिक पुगेको छ ।
पोखरामा बुधबार सम्पन्न सेमीफाइनलमा चर्च ब्वाइज युनाइटेड क्लबलाई १–० गोलले पराजित गर्दै उपाधि नजिक पुगेको हो । पुलिसलाई उपाधि नजिक पुर्याउन सन्जिव लामाको गोल निर्णायक बन्यो ।
आहा रारा पोखरा गोल्डकपमा ६ पटकको उपाधि जितेको र चार पटको उपविजेता पुलिसको यो फाइनल यात्रा भने २०७६ पछि मात्रै हो ।
खेलको दोस्रो हाफको ५८औं मिनेटमा सन्जिवको करिब २५ यार्ड टाढाबाट कडा प्रहार गोलमा परिणत भयो । सन्जिवको प्रहारमा चर्च ब्वाइजका गोलरक्षक टिकेन्द्र थापा समेत झुक्किए ।
उपाधिका लागि नेपाल पुलिसले थ्री स्टार र उज्वेकिस्तानको ब्ल्याक बुल्स एफसीबीच भोली शुक्रबार हुने सेमिफाइनलको विजेतासँग खेल्नेछ ।
