पोखरा स्पोर्टस । पोखरामा यू–१६ विद्यालयस्तरीय छात्र ह्याण्डबल प्रतियोगिता सुरू भएको छ ।
जिल्ला ह्याण्डबल संघ कास्कीको आयोजना तथा राष्ट्रिय ह्याण्डबल खेलाडी विशाल नेपालीको संयोजनमा उक्त प्रतियोगिता सुरू भएको हो । सो प्रतियोगिताको गण्डकी प्रदेश ह्याण्डबल संघका अध्यक्ष केशव पाठकले शुभारम्भ गरे ।
पोखरा रंगशालास्थि ह्याण्डबल एकेडेमीको खेल मैदानमा सुरू भएको प्रतियोगितामा चार विद्यालयको सहभागिता रहेको प्रतियोगिताको संयोजन गरिरहेको नेपालीले जानकारी दिए । उनले भने–“यो हाम्रो पहिलो प्रयास हो । यू–१६ खेलाडी ह्याण्डबल खेलाडी उत्पादन गर्न पहिलो पटक यो प्रतियोगिता आयोजना गरेका छौं ।”
पहिलो दिनको खेलबाट पोखरा एकेडेमी आफ्ना सबै खेल जित्दै फाइनल प्रवेश गरेको छ । सुपर लिगको अवधारणामा खेलाइएको प्रतियोगितामा अल्फा र प्रतिभा माविको विजेताले फाइनलमा पोखरा एकेडेमी संग भिड्नेछन् ।
उपाधि बिजेता टिमलाई नगद रु १० हजार उपविजेतालाई ७ र तेस्रो हुने टिमलाई नगद रु ५ हजारका साथमा ट्रफी, मेडल तगा प्रमाणपत्र प्रदान गरिने जिल्ला ह्याण्डबल संघका अध्यक्ष चित्र थापाले बताए । उद्घाटन कार्यक्रममा संघकी उपाध्यक्ष बालाकुमारी गुरूङ, राष्ट्रिय टिमका कप्तान विशाल बस्नेतलगायतको सहभागिता रहेको थियो ।
