पोखरा स्पोर्टस । कर्णाली प्रदेशलाई पराजित गर्दै गण्डकी प्रदेशको छात्र भलिबल टिम उपाधि नजिक पुगेको छ ।
केन्द्रियस्तरीय १४ औं राष्ट्रपति रनिङ शिल्ड अन्तर्गत बिहिबार सम्पन्न सेमीफाइनलमा कर्णाली प्रदेशलाई २–१ को सेटमा पराजित गर्दै फाइनलमा स्थान पक्का गरेको हो ।
गण्डकीले पहिलो सेट २५–१७ जित्दै कर्णालीलाई दबावमा राख्यो तर दोस्रो सेट २३–२५ ले कर्णालीलाई सुम्पिन पुग्यो ।
तर निर्णायक तेस्रो सेटमा खेलमा फर्किदै १५–१२ ले आफ्नो पक्षमा पार्दै गण्डकी फाइनल प्रवेश गरेको टिम म्यानेजर पूर्ण बहादुर गुरुङ ‘जापान’ले पोखरा स्पोर्टसलाई जानकारी दिए ।
गण्डकीले अब फाइनलमा लुम्बिनी प्रदेश विरुद्ध भिड्ने छ ।
