पोखरा स्पोर्टस । फेन्सिङका राष्ट्रिय खेलाडी ओमकर सिंह अध्ययनका लागि दक्षिण कोरियाको राजधानी सियोल जाने भएका छन् ।
‘ड्रिम टुगेदर मास्टर्स प्रोग्राम’ अन्तर्गत सियोल नेसनल युनिभर्सिटीमा खेल व्यवस्थापनमा स्नाकोत्तर अध्ययनका लागि जाने भएका हुन् ।
नेपाल ओलम्पिक कमिटी (एनओसी)का अध्यक्ष जीवनराम श्रेष्ठले मंगलबार एक समारोहबीच उनलाई बिदाई गरे । सो अवसरमा अध्यक्ष श्रेष्ठले एनओसीको उद्देश्य खेल व्यवस्थापनमा दक्ष जनशक्ति उत्पादन रहेको बताउँदै उज्जवल भविष्यको कामनासहित बिदाई गरेका थिए ।
राष्ट्रिय खेलाडी ओमकर एनओसीको सिफारिसमा अध्ययनका लागि एसोसियसन अफ नेसनल ओलम्पिक कमिटी (एएनओसी)ले छनोट गरेको हो । स्नाकोत्तर अध्ययन दुई वर्षका लागि हुनेछ ।
