पोखरा स्पोर्टस । नेपाल सफ्ट टेनिस संघले घरेलु तथा अन्तर्राष्ट्रिय प्रतियोगिताको तयारीलाई लक्षित गरी ५ प्रदेश र २ विभागीय टोलीलाई मंगलबार खेल सामाग्री प्रदान गरेको छ ।
प्रदेश १, बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेश तथा एपीएफ क्लब र नेपाल प्रहरी क्लबलाई खेल सामाग्री प्रदान गरिएको हो । विश्व सफ्ट टेनिस महासंघका अध्यक्ष समेत रहेका नेपाल सफ्ट टेनिस संघका अध्यक्ष विनयविक्रम शाहले एक कार्यक्रमबीच खेल सामाग्री हस्तान्तरण गरे ।
सोही अवसरमा पूर्व सफ्ट टेनिस खेलाडी एवं आईएसटीएफका निर्देशक अशोक सिंहलाई एसएसपीबाट डिआईजीमा बढुवा भएकोमा सम्मान गरिएको थियो ।
