पोखरा स्पोर्ट्स । आइसिसी टी-२० विश्वकप २०२६ मा खेल्ने क्रममा नेपाली राष्ट्रिय टोलीका बलिङ अलराउन्डर सोमपाल कामीले नयाँ किर्तिमान बनाएका छन् । वेस्ट इन्डिजविरुद्धको खेलमा अन्तिम एघारमा परेसँगै उनी नेपालका लागि तीन पटक विश्वकप खेल्ने पहिलो खेलाडी बनेका हुन् ।
३० वर्षीय सोमपालले यसअघि पनि दुई संस्करणमा विश्वकप खेलिसकेका छन् । २०१४ मा विश्वकप खेल्दा टोलीका सबैभन्दा कान्छा सदस्य रहेका सोमपाल अहिले टोलीका सबैभन्दा अनुभवी खेलाडीका रूपमा मैदान उत्रिएका छन् । आज वेस्ट इण्डिजविरुद्धको महत्वपूर्ण खेलमा नयाँ बल लिएर बलिङ गर्ने जिम्मेवारीसमेत उनैको काँधमा रहनेछ ।
गुल्मीमा जन्मेका सोमपाल बाल्यकालमा भारतको पञ्जाबमा हुर्किए पनि सन् २०१३ मा नेपाल फर्किएपछि निरन्तर राष्ट्रिय टोलीबाट खेल्दै आएका छन् । अहिले नेपालका भरपर्दा तीव्र गतिका बलर तथा तल्लो क्रमका महत्वपूर्ण ब्याट्सम्यानका रूपमा सोमपाल स्थापित रहेका छन् ।
यस विश्वकपमा तेस्रो सहभागितासँगै सोमपाल नेपाली क्रिकेट इतिहासका विशेष खेलाडीको सूचीमा पुगेका छन् ।
