पोखरा स्पोर्ट्स । काठमाडौँमा जारी आइसीसी महिला टी-२० विश्वकप ग्लोबल क्वालिफार्यसका समुह चरणका खेलहरु सकिएका छन् ।
१० देशले भाग लिएको यस प्रतियोगितामा समुह चरणका खेलहरुसकिएसँगै आयोजक नेपालसहित चार देश बाहिरिएका छन् भने अन्य ६ देश सुपर सिक्समा प्रवेश गरेका छन् ।
समुह ए बाट पीएनजी र नामिबिया बाहिरिएका छन् भने समुह बी बाट नेपाल र जिम्बाबे बाहिरिएका छन् । त्यस्तै समुह ए बाट बंगलादेश, आयरल्याण्ड र अमेरिका तथा समुह बी बाट नेदरल्याण्डस, स्कटल्याण्ड र थाइल्याण्ड सुपर सिक्समा प्रवेश गरेका छन् ।
नेपालले समुह चरणका ४ मध्ये एक खेलमा जितेपछि बाहिरिएको हो । नेपालले एक मात्र जित जिम्बाबेविरुद्ध हासिल गरेको थियो ।
अब सुपर सिक्समा हरेक देशले अर्को समुहका देशसँग एक एक खेल खेलेपछि शिर्ष चारमा हुने देश महिला टी-२० विश्वकपमा छनौट हुने छन् । सुपर सिक्सका खेल बुधबार, शुक्रबार र आइतबार हुदैछन् ।
