पोखरा स्पोर्ट्स । नेपालले आज एएफसी एशियन कप छनौट अन्तगत मलेसियाविरुद्ध खेल्दैछ । मलेसियामा हुने यो खेल नेपाली समय अनुसार साँझ ६: ४५ बजेदेखि शुरु हुने छ ।
–एएफसी एशियन कप छनौट अन्तर्गत नेपाल आज मलेसियाविरुद्ध साँझ ६:४५ बजे खेल्दैछ ।
–फिफा वरियतामा नेपाल १८०औं र मलेसिया ११८औं स्थानमा रहेका छन् ।
–गत मार्चमा भएको पछिल्लो भेटमा मलेसियाले नेपाललाई २–० ले पराजित गरेको थियो ।
–मुख्य प्रशिक्षक हरि खड्काको नेतृत्वमा २३ सदस्यीय नेपाली टिम मलेसिया पुगेको छ, जसले अहिलेसम्म छनौटका सबै ४ खेलमा हार बेहोरेको छ ।
नेपालभन्दा मेलासिया फिफा वरियतामा धेरै अगाडी रहेको छ । हाल नेपाल फिफा वरियतामा १८०औं स्थानमा छ भने मलेसिया ११८औं स्थानमा रहेको छ । नेपाल र मलेसियाबीच अहिलेसम्म आठ खेल भएका छन् । जसमा ७ खेलमा मलेसिया विजयी भएको छ भने एक खेल बराबरी भएको छ ।
पछिल्ल्लो पटक नेपालले गत मार्चमा जारी एएफसी एशियन कपको छनौट खेल खेलेको थियो, जसमा मलेसिया २-० ले विजयी भएको थियो ।
यो खेल खेल्न मुख्य प्रशिक्षक हरि खड्का र २३ सदस्यीय टिम मलेसिया पुगेको छ । नेपाली टिममा गोलकिपर किरण कुमार लिम्बु, दीप कार्की, विशाल सुनार अरिक बिष्ट, मणिकुमार लामा, कुशल देउवा, अनन्त तामाङ, रोहित चन्द, सुमन श्रेष्ठ, सनिश श्रेष्ठ, अभिषेक लिम्बु, सुमित श्रेष्ठ, योगेश गुरुङ, लेकेन लिम्बु, मनिष डाँगी, रोहन कार्की, दिपेश गुरुङ, गिलेस्पी जंग कार्की, अन्जन विष्ट, आयुष घलान, दिनेश हेञ्जन, सुवास बम र आदित्य शाक्य रहेका छन् ।
एशियन कप छनौटमा नेपालले अहिलेसम्म खेलेका ४ खेलमा चारै खेलमा हार बेहोरेको छ ।
