पोखरा, भुतपुर्व खेलाडी मञ्च नेपालले आयोजना गरेको १४ औं सस्करणको सफल पोखरा अन्तर्राष्ट्रिय म्याराथनका सहयोगी एवम समाजसेवी योगेश गुरुङ आज पोखरा बाट बेलायत प्रस्थान गरेका छन ।
भुतपुर्व खेलाडी मञ्चका महासचिब खेम गुरुङ, सचिब कृष्ण तिमिल्सिना र सह कोषाध्यक्ष महेश पौडेलले आज योगेश लाई पोखरा विमानस्थलमा विदाई गरेका थिए ।
समाजसेवी गुरुङले पोखरा म्याराथनका लागि ७ लाख ५१ हजार नगद सहयोग गरेका थिए । सहारा युकेका सदस्य समेत रहेका योगेशले युके स्थित विभिन्न संघ संस्था र महानुभावहरुबाट उक्त सहयोग रकम संकलन गरेका थिए ।
विमानस्थलमा कुरा गर्दै समाजसेवी योगेशले अर्को वर्ष आयोजना हुने १५ औं सस्करणका लागि थप सहयोग रकम जुटाउने बताएका छन । पोखरा म्याराथनको पुरस्कार राशी समेतका लागि सहयोग रकम जुटाउने र केही रकम अक्षय कोषका लागि समेत जुटाउने बताएका छन ।
विदाई कार्यक्रममा पोखरेली मञ्चका सल्लाहाकार महेश गुरुङ, सहारा युकेका अध्यक्ष कुमार गुरुङ, तमु र्धिका कार्यबाहक अध्यक्ष हुम तमु लगाएत उपस्थित रहेका थिए ।
