पोखरा स्पोर्ट्स । नेपालले युएई;लाई १४१ रनको लक्ष्य दिएको छ ।
ओमानमा जारी आइसीसी पुरुष टी-२० विश्वकपको एसिया र इस्ट एसिया–प्यासिफिक क्षेत्रको छनौट प्रतियोगिताको सुपर सिक्समा टस जितेर पहिला ब्याटिंग गरेको नेपालले २० ओभरमा ६ विकेट गुमाउदै १४० रन बनाएको हो ।
नेपालका लागि आसिफ सेखले सर्बाधिक ५१ रन बनाए भने कुशल भुर्तेलले २८, कप्तान रोहित पौडेलले २०, गुलशन झाले १४ रन र कुशल मल्लले १० रन बनाएका थिए ।
त्यस्तै युएईका बलर जुनैद सिद्धिकी, मुहमद रोहिद, जाहिद अली, हैदर अली, हर्षिक कौशिक र ध्रुब पराशरले एक एक विकेट लिएका थिए ।
