पोखरा स्पोर्ट्स । अल नासरले साउदी प्रो लिगको नयाँ सिजनमा शानदार शुरुवात गरेको छ ।
गएराती सम्पन्न खेलमा अल नासरले अल-तावाउन एफसीलाई ५-० गोल अन्तरले पराजित गर्दै सिजनको शानदार शुरुवात गरेको हो ।
पहिलो हाफमा १-० ले अगाडी रहेको अल नासरले दोस्रो हाफमा ४ गोल थपेको थियो ।
अल नासरको जितमा जोआओ फेलिक्सले लिगको डेभ्यु खेलमा ह्याट्रिक गरेका थिए ।
त्यस्तै क्रिस्टियानो रोनाल्डो र किंग्सले कोम्यानले एक एक गोल गरेका थिए । कोम्यानको पनि यो लिगमा डेभ्यु गोल हो ।
