पोखरा स्पोर्ट्स । म्यानचेस्टर युनाइटेड इएफएल कप (कारबाओ कप) बाट बाहिरिएको छ ।
गएराती सम्पन्न खेलमा चौथो डिभिजन क्लब ग्रिम्सबी टाउनसँग पेनाल्टी सुटआउटमा पराजित हुदै म्यानचेस्टर युनाइटेड कारबाओ कपबाट बाहिरिएको हो ।
निर्धारित समयमा २–२ गोलको बराबरी भएपछि खेलको निर्णय पेनाल्टी सुटआउटबाट भएको थियो । पेनाल्टी सुटआउटमा ग्रिम्सबी टाउनले १२–११ ले जित हासिल गरेको थियो ।
निर्धारित समयमा २–० ले पछि परेको म्यानचेस्टर युनाइटेडले खेलमा कमब्याक गर्दै खेल बराबरी गरेपनि पेनाल्टी सुटआउटमा पराजित भएको थियो ।
ग्रिम्सबी टाउनका लागि चार्लेज बेर्नाम र टीरेल वारेनले गोल गर्दा म्यानचेस्टर युनाइटेडविरुद्ध शुरुवाती २–० को अग्रता दिलाएका थिए । त्यसपछि म्यानचेस्टर युनाइटेडका लागि खेलको ७५औ मिनेटमा ब्रायन एम्बेउमो र ह्यारी मग्युरोले गोल गर्दै खेलमा फर्काएका थिए ।
योसँगै कारबाओ कपको तेस्रो चरणमा पुगेको ग्रिम्सबी टाउनले अब दोस्रो डिभिजन क्लब शेफिल्ड वेडनसडेसँग खेल्ने छ । 
