पोखरा स्पोर्टस । चेल्सी र फ्लुमिनेन्स क्लब जारी फिफा क्लब विश्वकपको सेमिफाइनलमा पुगेका छन् ।
शनिबार बिहान सम्पन्न क्वाटरफाइनलको खेलमा ब्राजिलियन क्लब पाल्मिरासलाई २–१ गोल अन्तरले पराजित गर्दै प्रतियोगिताको सेमिफाइनलमा पुगेको हो ।
चेल्सीको जितमा कोल पाल्मरले एक गोल गरेका थिए भने एक गोल पाल्मिरासका अगस्टिन गियाले आत्मघाती गोल गरेका थिए । त्यस्तै पाल्मिरासका लागि एक गोल एस्टेभाओले गरेका थिए ।
अब चेल्सीले सेमिफाइनलमा अर्को ब्राजिलियन क्लब फ्लुमिनेन्सको सामना गर्ने छ । सेमिफाइनल खेल जुलाई ८ मा हुने छ । त्यस्तै हारसँगै पाल्मिरासको विश्वकप यात्रा समाप्त भएको छ ।
त्यस्तै ब्राजिलियन क्लब फ्लुमिनेन्स जारी फिफा क्लब विश्वकपको सेमिफाइनलमा पुगेको छ ।
गएराती सम्पन्न क्वाटरफाइनलको खेलमा फ्लुमिनेन्सले साउदी प्रो लिग क्लब अल हिलाललाई २१ गोल अन्तरले पराजित गर्दै सेमिफाइनलमा पुगेको हो ।
फ्लुमिनेन्सको जितमा माथ्युज मार्टिनेली र हर्कुलसले एक एक गोल गरेका थिए ।
त्यस्तै अल हिलालका लागि एक गोल मार्कस लियोनार्दोले गरेका थिए । यो हारसँगै अल हिलालको क्लब विश्वकप यात्रा टुंगिएको छ । अब सेमिफाइनलमा फ्लुमिनेन्सले चेल्सी र पाल्मिरासबीचको विजेतासँग खेल्ने छ ।
