पोखरा स्पोर्टस । गण्डकी प्रदेशको सामाजिक विकास तथा स्वास्थ्य मन्त्रालयले प्रदेशका २१ खेलाडीलाई प्रोत्साहन सहित सम्मान गरेको छ । विभिन्न राष्ट्रिय तथा अन्तर्राष्ट्रिय खेलमा सहभागी भई पदक जितेका खेलाडीलाई शुक्रबार मन्त्रालयमा नै एक कार्यक्रमका बीच सम्मान गरिएको हो ।
नगद, माला र सम्मान पत्र सहित सम्मान गर्दै सामाजिक विकास तथा स्वास्थ्य मन्त्री विन्दु कुमार थापाले प्रदेश सरकारले खेलाडीलाई उत्साह थप्ने काम गरेको उल्लेख गरे । खेलबाट भविष्य बनाउने बाटो खुुलेको र प्रदेश सरकारले पनि खेलकुदमा थुुप्रै लगानी गरेको उनको भनाई थियो ।
मन्त्रालयका सचिव प्रकाश पौडेलले प्रोत्साहन तथा सम्मानका लागि सबै क्षेत्रका खेलाडीहरुलाई समेट्ने प्रयास गरिएको बताए । आगामी दिनमा मन्त्रालयले मोडालिटी परिवर्तन गरेर अगाडि बढ्ने उनले बताए । खेलकुद प्रतियोगितालाई व्यवस्थित बनाउन प्रदेश सरकार लागि परेको उनको भनाई थियो ।
प्रदेश खेलकुद परिषदका सदस्य सचिव श्रीधर शर्माले पिडा बोकेर खेलाडीले जिविकोपार्जन गर्ने अवस्थाको सिर्जना नहुने गरी नै काम भइरहेको बताए । आकस्मिक बिमाको सुरुवात गर्दै खेलाडीलाई प्रोत्साहन थप्ने काम परिषदले अघि सारेको उनले बताए ।
मन्त्रालयले को कसलाई दियो नगद २० हजार प्रोत्सहान पुरस्कार
बिनिता सार्की–मोर्डन पेन्टाथलन
विशाल बस्नेत–ह्याण्डबल
राजेश बास्कोटा–जिम्न्याष्टिक
पवित्रा गुरुङ–हक्की
योगेन्द्र थापा–उशु
रेखमायाँ गुरुङ– तेक्वान्दो
संदिप बराल–फेन्सिङ
प्रियाङ्का बर्मा–बक्सिङ
विवेक हमाल–बडीविल्डङ्ग
प्रदिप रेग्मी– मेन्स स्पोर्टस फिजिक
मोनिका राना मगर–आर्चरी
रिता श्रेष्ठ थापा–प्याराग्लाइडिङ
विजय महतो–सेपाक ताक्रो
मनोज श्रेष्ठ–कराते
सुरज सुनार–आइटिएफ तेक्वान्दो
ऋषीसरा थापा– एथलेटिक्स
चित्र बहादुर थापा–खोखो
पुनम गुरुङ–व्याडमिन्टन
रुपक नेपाली–फुल कन्ट्याक्ट कराते
मुना थापा–टेबुल टेनिस
