पोखरा स्पोर्टस । फोटो पत्रकार संघ (एनपिजेए) कास्की पाहुना टोली बंगालादेशी फोटो पत्रकार संगको मैत्रीपूर्ण फुटबल खेलमा पराजित भएको छ ।
पोखरा रंगशालामा सम्पन्न मैत्रीपूर्ण प्रतियोगितामा एनपिजेए कास्की ४–१ गोलले पराजित भएको हो । हाफटाइम सम्म बराबरीमा खेलेका दुबै टिम हाफटाइम लगतै बंगालादेशी टिम एनपिजेए कास्की माथी हाबी भएको थियो ।
बंगालादेशी खेलाडी मोहमद जाकिर हुसेन शाहिनले ह्याट्रिक पुरा गरे भने मेहदीहसन टोपुले आफ्नो टिमका लागि एक गोल थपे ।
यता एनपिजेए कास्कीका लागि एक मात्र गोल शुसिलले फर्काए ।
मैत्रीपूर्ण फुटबल प्रतियोगितामा सहभागि पाहुना तथा आयोजक टोलीलाई पोखरा महानगरका मेयर धनराज आचार्य, प्रदेश खेलकुद परिषदका सदस्य केशव पाठक, एनपिजेए कास्कीका अध्यक्ष दुर्गा प्रसाद पौडेलले मेडल, प्रमाणपत्र र मायाँको चिनो प्रदान गरेका थिए ।
यस अघि उक्त खेलको शुभारम्भ राष्ट्रिय खेलकुद परिषदका सदस्य राजेश कुमार गुरुङले गरेका थिए ।
स्मरणिय के छ भने केही दिन अघि बाठमाडौंमा सम्पन्न यस्तै मैत्रीपूर्ण खेलमा समेत बंगालादेशी टिमले जित हासिल गरेको थियो । बंगालादेशी टिम एफएनपिजे केन्द्रको निमन्त्रणामा नेपाल आएको हो ।
फोटो : सुदर्शन रञ्जित
