पोखरा स्पोर्टस । गण्डकी प्रदेशस्तरिय सेपाक्ताक्रो खेलको उपाधि नवलपुरले जितेको छ ।
प्रदेश खेलकुद परिषद गण्डकीको आयोजना र गण्डकी प्रदेश सेपाक्ताक्रो संघको समन्वयमा पोखरामा सम्पन्न प्रतियोगितामा महिला तथा पुरुष दुबैतर्फको उपाधि नवलपुरले जितेको हो ।
सम्पन्न पुरुषतर्फको फाइनलमा नवलपुरले तनहुँलाई २–० को सोझो सेटमा पराजित गरेको थियो भने महिलातर्फको उपाधि भिडन्तमा नवलपुरले कास्कीलाई २–० को सोझो सेटमा पराजित गरी उपाधि जितेको छ ।
प्रतियोगितामा पुरुषतर्फ स्याङजा जिल्लाले तृतिय भएको छ भने महिलातर्फ तनहुँ तेश्रो हुन सफल भएको संघका अध्यक्ष श्याम बहादुर श्रेष्ठले जानकारी दिए ।
प्रतियोगितामा पाँच जिल्लाका महिला तथा पुरुष खेलाडीहरुको सहभागिता रहेको थियो ।
बिजेता खेलाडीहरुलाई प्रदेश खेलकुद परिषदका सदस्य सचिब श्रीधर शर्मा, संघका केन्द्रिय अध्यक्ष नेत्र प्रसाद गुरुङले शिल्ड, मेडल तथा प्रमाणपत्र वितरण गरेका थिए ।
यस अघि प्रतियोगिताको उद्घाटन राष्ट्रिय खेलकुद परिषदका सदस्य राजेश कुमार गुरुङले गरेका थिए ।
