पोखरा स्पोर्टस । १३ औं राष्ट्रपति रनिङ शिल्ड प्रतियोगितामा गण्डकीको छात्र भलिबल टिम सेमीफाइनलमा प्रवेश गरेको छ ।
गण्डकीले आफ्नो समुहमा दुईमा जित र एकमा हार व्यहोर्दै सेमीफाइनलको यात्रा तय गरेको हो । आज सम्पन्न लिगको अन्तिम खेलमा सुदुर पश्चिमलाई २५–१६, २५–२२ ले जित्दै अन्तिम चारमा स्थान पक्का गरेको हो ।
तर गण्डकी बागमती प्रदेश संग भने प्रतिष्पर्धान्त्मक खेलमा पराजय भोगेको छ । बागमती संग २७–२५ र २५–२२ ले पराजित भएको प्रदेश खेलकुदका कार्यालय प्रमुख तोपलाल भुसालले जानकारी दिए ।
यसै गरी शुक्रबार भएको खेलमा कोशी विरुद्ध २५–२१ र २५–२२ ले जित निकालेको छ ।
गण्डकीले सेमीफाइनल लुम्विनी संग आइतबार खेल्ने गण्डकीका टिम म्यानेजर लेखनाथ लम्सालले जनाएका छन् ।
