पोखरा, लायन्स क्लब अफ सेन्ट्रल टाउन पोखराले आयोजना गरेको “१३ औं डिष्ट्रिक्ट स्तरिय अन्तर लायन्स भलिबल प्रतियोगिता”को उपाधी लायन्स क्लब अफ सेन्ट्रल भ्यालीले उपाधी जितेको छ ।
पोखरा रंगशाला भलिबल प्रशिक्षण केन्द्रमा आयोजित प्रतियोगितामा पिस चौतारीलाई पराजित गर्दै सेन्ट्रल भ्यालीले १३ औं सस्करणको उपाधी जितेको हो । उपाधी विजेताले खसी प्राप्त गरेको छ भने उपविजेता रहेको पिस चौतारीले बोका प्राप्त गरेको छ ।
त्यस संगै तेश्रो भएको गोल्डेन चौतारीले एक जोडी भाले प्राप्त गरेको छ । प्रतियोगितामा लायन्सक्लवका १६ टिम सहभागिता रहेको प्रतियोगिताका संयोजक एवम पोखरा महानगरका कानुनी अधिकृत नारायण प्रसाद शर्माले जानकारी दिएका छन ।
प्रतियोगितामा बिजेता टिम तथा खेलाडीलाई गण्डकी प्रदेशका सांसद तथा विधायन समितीका सभापती मोहन रेग्मीले पदक तथा प्रमाणपत्र वितरण गरेका थिए ।
यस अघि प्रतियोगिताको उद्घाटन ३२५ बि १ नेपालका गर्भनर इन्दु लम्सालले उदघाटन गरेकी थिइन । उनले यस्ता प्रतियोगिताले लायन्स भित्र भाइचाराको सम्वन्धलाई थप बलियो बनाउन संगै उर्जा दिन सहयोग पुग्ने बताइन ।
सो अबसरमा गर्भनर लम्सालले नेपाली राष्ट्रिय महिला टिमकी कप्तान अरुण शाहीलाई दोसल्ला, सम्मानपत्र र नगद २५ हजारले सम्मान गरिन ।
कार्यक्रम ३२५ बि १ का पूर्व गर्भनर घनराज आचार्य, मल्टिपल डिष्ट्रिक्ट जिएमटी कोर्डनेटर राजन लम्साल, द्वितिय उपाध्यक्ष बिशेश्वर आचार्य, क्लवका सचिब पुरोषत्तम न्यौपाने, चण्डी प्रसाद अर्याल लगाएतले आ–आफ्ना धारणा राखेका थिए । कार्यक्रम प्रतियोगिता आयोजक क्लबका अध्यक्ष ई.शारदा मोहन काफ्लेको अध्यक्षतामा भएको थियो ।
