पोखरा,
नेपालमा आगामी २०७६ मंसिर १५ देखि २४ गते सम्म आयोजना हुने १३ औं दक्षिण एसियाली खेलकुद (साग) अन्तगत ह्याण्डबल खेलाडी महिला तथा पुरुष खेलाडीहरुको पहिलो चरणको छनोट सम्पन्न भएको छ ।
करिब एक महिना अघि देखि पोखराको बन्द प्रशिक्षणमा रहेका २८–२८ जना महिला तथा पुरुष खेलाडी बाट दोश्रो चरणका लागि खेलाडी छनोट गरिएको हो ।
ह्याण्डबलका मुख्य प्रशिक्षक तथा राखेप तालिम तथा प्रशिक्षण विभागका उपनिर्देशक हिमाल दाहलका अनुसार छनोट गरिएका नामहरु राखेप राष्ट्रिय टिम तयारीमा पठाइने र तिन दिन पछी अन्तिम नामवली प्रकाशित गरिने छ ।
छनोट समितीमा राष्ट्रिय टिम तयारीका निर्देशक महेन्द्र राई, तालिम तथा प्रशिक्षण विभागका उपनिर्देशक हिमाल दाहाल, नेपाल ह्याण्डबल संघका उपाध्यक्ष जिवन बस्नेत, सचिब केशब पाठक, प्रशिक्षक द्वय अरुणलाल कर्ण र कृष्ण केसी रहेका थिए ।
