पोखरा स्पोर्टस । प्रदेश खेलकुद परिषद गण्डकीको आयोजनामा प्रदेश खेलकुद प्रतियोगिता अन्तरगत हुने प्याराग्लाइडिङ छनोटको तयारी पुरा भएको छ ।
वर्षाका कारण स्थगित छनोट प्रतियोगिता भोली (विहिबार) हुने भएको हो । प्रतियोगिता पोखरा सराङकोटमा बिहिबार बिहान सुरु गरिन लागिएको जानकारी दिंदै गण्डकी प्रदेश प्याराग्लाइडिङ संघका अध्यक्ष बसन्तराज दवाडीले त्यसको तयारी पुरा भएको जानकारी दिएका हुन् ।
प्रतियोगितामा कास्की, स्याङजा र पर्वतका महिला तथा पुरुष गरी २१ खेलाडीहरुको सहभागिता रहेको प्रदेश खेलकुदका सदस्य समेत रहेका दवाडीले जनाएका छन् । प्रतियोगिताबाट खेलाडी छनोट गरी आगामी असोज २८ देखि कार्तिक ३ गते सम्म गण्डकी प्रदेशमा आयोजना हुने राष्ट्रिय खेलकुद प्रतियोगितामा सहभागिता गराइने छ ।
