पोखरा स्पोर्टस । मधेश प्रदेशले जारी पीएम कप अन्तर्गत गण्डकी प्रदेशलाई पराजित गरेको छ । बुधबार सम्पन्न खेलमा मधेश प्रदेशले डिएल मेथड अनुसार गण्डकीलाई १८ रनले पराजित गरेको हो ।
मधेश प्रदेशले दिएको ९९ रनको लक्ष्य पछाएको गण्डकीले निर्धारित २२ ओभरमा ५ विकेट गुमाउदै ८० रन मात्र बनाएपछि मधेश प्रदेश १८ रनले विजयी भएको हो ।
यसअघि मधेश प्रदेशले पहिला ब्याटिंग गर्दै ३४.५ ओभरमा १७२ रन बनाउदा खेल बर्षाले प्रभावित भएपछि खेल २२-२२ ओभर मा झारिएको थियो र गण्डकीलाई डिएल मेथड अनुसार ९९ रनको लक्ष्य दिइएको थियो ।
यो जितपछि मधेश प्रदेशको ६ खेलमा ९ अंक भएको छ र तेस्रो स्थानमा छ । त्यस्तै गण्डकी प्रदेशको ७ खेलमा ५ अंक रहेको छ र आठौ स्थानमा रहेको छ ।
