प्रदेशस्तरीय हक्की सोमबारबाट सुरु हुने

पोखरा स्पोर्टस । बागमती प्रदेश हक्की संघको आयोजनामा प्रथम प्रदेशस्तरीय पुरुष फाइभ्स हक्की प्रतियोगिता सोमबारबाट सुरु हुने भएको छ ।

प्रतियोगितामा ६ टिमको सहभागिता रहने नेपाल हक्की संघकी महासचिव सुवर्ण श्रेष्ठले जनाएकी छन् । नेपाल आर्मी, नेपाल प्रहरी, एपीएफ, बागमती प्रदेश र गण्डकी प्रदेशको सहभागिता रहने छ । आर्मीको २ टोली रहने छ ।

शीर्ष तीन स्थानमा रहने टिमले क्रमशः २० हजार, १५ हजार र १० हजार नगद पुरस्कार प्राप्त गर्ने छन् ।

लिग कम नकआउट आधारमा हुने एकदिने प्रतियोगिताका खेलहरु त्रिपुरेश्वरस्थित राष्ट्रिय खेलकुद परिषद्को कभर्डहलमा हुनेछ ।

Leave a Reply

Your email address will not be published. Required fields are marked *

Back to top button
Close
Close