मनुश्री ̸ भिग्नजित अन्तर्राष्ट्रिय जुनियर टेनिसमा शिभालीलाई दोहोरो पदक

पोखरा स्पोर्टस । पोखरामा जारी दोस्रो मनुश्री ̸ भिग्नजित अन्तर्राष्ट्रिय जुनियर टेनिस प्रतियोगितामा सिभाली गुरुङले दोहोरो पदक जितेकी छन् । कास्की जिल्ला टेनिस संघको आयोजनामा उक्त प्रतियोगिता पोखरा रंगशालास्थित टेनिस कोर्टमा बुधबार सम्पन्न दुई छुट्टा–छुट्टै उमेर समुहको फाइनल खेल जित्दै उनले दोहोरो पदक जितेकी हुन् ।

प्रतियोगिता अन्तर्गत पहिलो दिन गर्ल्स सिंगल्स यू–१२ तर्फ शाल्भी शेरचनलाई ६–१ र ६–१ले जित्दै स्वर्ण पदक हातपारिन । उनले नगद रु ८ हजारका साथमा स्वर्ण पदक जितिन् भने उपविजेता बन्न सफल शाल्भीले नगद ५ हजार प्राप्त गरेकी छन् ।

त्यस्तै सिंगल्स गर्ल्स यू–१४ को फाइनलमा शिभालीले श्वस्तिका विष्टलाई २–० को सोझो सेटमा पराजित गर्दै उपाधि जितिन । पहिलो सेट ६–१ र दोश्रो सेट ६–२ ले पराजित गरेकी हुन् । शिभालीले उपाधि सहित नगद रु १२ हजार र उपविजेता रहेकी श्वस्तिाकाले ६ हजारका साथमा मेडल प्राप्त गर्न सफल भएको टुर्नामेण्ट डाइरेक्टर राजन पौडेलले जनाएका छन् ।

त्यस्तै यू–१६ गर्ल्सतर्फ सिंगल्समा आध्या पौडेलले सुनिरा थापालाई वाक ओभर दिएकी छन् । त्यस्तै श्वस्तिका विष्टले सोही उमेर समुहमा प्रशंसा मोक्तानलाई ६–०, ६–२ को सोझो सेटमा पराजित गरेकी छन् ।

बुधबार नै सम्पन्न यू–१४ ब्वाइज सिंगल्सतर्फ व्रिजेश अर्यालले दर्शिल श्रेष्ठलाई ६–२, ६–० को सोझो सेटमा पराजित गर्दै फाइनलमा प्रवेश गरेका छन् । उनले वोरिश अधिकारी संग विहिबार हुने फाइनलमा भेट पक्का गरेका छन् । बोरिशले सृजन भट्टराईलाई सेमीफाइनमाल ६–१, ६–२ ले पराजित गरेका थिए ।

यू–१६ ब्वाइज सिंगल्सतर्फ आयुष्मान घलेले बोरिश अधिकारीलाई ६–१, ६–३ ले पराजित गर्दा ब्वाइज ओपन डबल्सतर्फ आयुुष्मान र राजविर प्रधानको जोडीले शास्वत भट्टराई र स्पान्दन उदासको जोडीलाई ६–०, ६–० को सोझो सेटमा पराजित गरी सेमीफाइनलको यात्रा तय गरे ।

कुल १४ वटा इभेन्टमा ३७ जना खेलाडीहरुको सहभागिता रहेको प्रतियोगितामा गर्ल्सतर्फ १५ र ब्वाइजतर्फ २२ खेलाडीहरुको सहभागिता रहेका छन् ।

प्रतियोगितामा यू–८, यू–९, यू–१०, यू–१२, यू–१४ र यू–१६ ब्वाइज तथा गर्ल्स सिंगल्सका साथै ओपन ब्वाईज तथा गर्ल्स डबल्स गरी विभिन्न १४ ईभेन्टमा प्रतिस्पर्धा भइरहेको छ । जुनियरतर्फ यू–८, यू–९ र यू–१०, ब्वाईज तथा गर्ल्स सिंगल्स बिजेता तथा उपबिजेताले गिफ्ट ह्याम्पर तथा मेडल प्राप्त गर्ने छन् भने यू–१२ ब्वाईज तथा गर्ल्स सिंगल्स बिजेताले जनही नगद रु ८ हजार तथा उपबिजेताले जनही नगद रु ५ हजार सहित मेडल प्राप्त गर्ने प्रतियोगिताकी संयोजक प्रिती बरालले जानकारी दिएकी छन् ।

त्यस्तै यू–१४ ब्वाईज तथा गर्ल्स सिंगल्स बिजेताले समान जनही नगद रु १२ हजार, उपबिजेताले समान जनही नगद रु ६ हजारसहित मेडल प्राप्त गर्ने छन । यू–१६ ब्वाईज तथा गर्ल्स सिंगल्स बिजेताले समान जनही नगद रु १५ हजार उपबिजेताले समान जनही नगद रु ७ हजार ५ सय तथा ब्वाईज तथा गर्ल्स ओपन डबल्सतर्फ बिजेताले समान जनही नगद रु १५ हजार उपबिजेताले समान जनही नगद रु ७ हजार ५ सयसहित मेडल प्राप्त गर्ने संयोजक बरालले जानकारी दिएकी छन् ।

१ प्रतिक्रिया

  1. Sunira Thapa le walkover adhya poudyel Lai diyeko bhaye Kasari under 16 ko no. 1 sunira Thapa bhanyo.

Leave a Reply

Your email address will not be published. Required fields are marked *

Back to top button
Close
Close