पोखरेली मञ्च युकेले पायो पूर्णता

पोखरा स्पोर्टस । पोखरा अन्तर्राष्ट्रिय म्याराथनको अन्तर्राष्ट्रिय पार्टनर संस्था पोखरेली मञ्च युकेले पूर्णता पाएको छ ।

मञ्चको शनिबार सम्पन्न कार्यसमितीको बैठकले पदाधिकारी र सदस्यहरु मनोनयन गर्दै पूर्णता दिएको हो । गत चैत्र १४ गते सम्पन्न मञ्चको चौथोअधिवेशनले अध्यक्षमा करम गुरुङ, उपाध्यक्षमा पबित्र गुरुङ्ग र सहसचिवमा टिकाराम गुरुङ्ग(जीवन),लाई निर्वाचित गरेको थियो ।

शनिबार  सम्पन्न कार्यसमिती र मञ्चको ट्रष्टी सहितको बैठकले  र महासचिवमा जसु मुसेन गुरुङ्गलाई मनोनयन गरेको छ भने कोषाध्यक्षमा बिनय पुन र सह कोषाध्यक्षमा दिपु  गुरुङलाई मनोनयन गरिएको मञ्चले जनाएको छ ।

त्यसै गरी सदस्यमा नन्द बयाम्बु, ईश्वर आले, मिना गुरुङ्ग, पुर्णिमा गुरुङ्ग, भिम महेन्द्र गुरुङ्ग, ओम प्रकाश गुरुङ्ग, ललित गुरुङ्ग, योगेन्द्र गुरुङ्ग, अनुराग मुनाकर्मी, सोम प्रसाद गुरुङ्ग, बिनोद गुरुङ्ग र सुन्दर गुरुङ्गलाई मनोनयन गरी पूर्णता दिइएको जनाइएको छ ।

बैठकले मञ्चका निवर्तमान अध्यक्ष तथा ट्रष्टी मान प्रसाद गुरुङ्गलाई प्रमुख सल्लाहाकारमा मनोनयन गरेको जनाएको छ । मनोनयन भएका पदाधिकारी र कार्य समितीका सदस्यहरुको कार्यकाल चार वर्षको हुने जनाइएको छ ।

मञ्चले नेपाली नयाँवर्षमा हालै नेपाल रन युके पहिलो पटक आयोजना गरेको थियो ।