सुपर जनरल टी–ट्वान्टी क्रिकेट : पोखरा र चितवनको जित

पोखरा स्पोर्टस । चितवन क्रिकेट क्लव र सुपर जनरल पोखराले पोखरा रंगशालामा जारी क्रिकेट प्रतियोगिता अन्तर्गत मंगलबारका खेलमा जित हासिल गरेका छन् । चितवनले काठमाण्डौको बालुवाटारलाई तथा आयोजक पोखराले स्याँङ्ग्जा क्रिकेट क्लवमाथि जित निकालेको हो ।

के.एन. स्पोर्टस प्रालिको आयोजना तथा सुपर जनरल कम्पनीको मुख्य प्रायोजनमा जारी प्रतियोगितामा मंगलबारको पहिलो खेलमा चितवन ४ विकेटले विजयी भएको हो । पहिला व्याटिङ्ग गरेको बालुवाटारले पुरा २० ओभर खेल्दै ८ विकेटको क्षतिमा १ सय २६ रन बनाएको थियो जसमा कप्तान सुमन उदयले २९ रनको पारी खेले । चिवतनका दिपेश श्रेष्ठले ३ विकेट लिए ।

जितका लागि १ सय २७ रनको लक्ष्य पाएको चितवनले १४.४ ओभरमा ७ विकेट गुमाएर लक्ष्य पार ग¥यो । चितनको जितमा विन्धेश्वरी भाँडा उद्योग म्यान अफ द म्याच हुन सफल प्रतिक शर्माले ५३ रनको महत्वपूर्ण योगदान दिए । ३३ बलको सामना गरेका उनले २ छक्का र ४ चौका प्रहार गरे । अर्का व्याट्स्म्यान विक्रम कुमार गुप्ताले २४ रन जोडका थिए ।

अर्को खेलमा पोखराले स्याँग्जामाथि २९ रनको जित निकालेको हो । पहिला व्याटिङ्ग गर्दै पोखराले १९.३ ओभरमा सम्पूर्ण विकेट गुमाएर १ सय १४ रन बनाएको थियो । पोखराका लागि अनुभवि खेलाडी दिपेश खत्रिले सर्वाधिक १९ रन जोड्दा अनिल गुरुङ्गले १७ रनको इनिङ खेले । जवाफि व्याटिङ्गमा आएको स्याँग्जा १६.३ ओभरमा ८५ रनमै समेटिएको थियो

। स्याँँग्जालाई सस्तैमा समेट्ने क्रममा विन्धेश्वरी भाँडा उद्योग म्यान अफ द म्याच दिपेश खत्रिले २, लालबहादुर अधिकारीले २ तथा गोविन्द प्रधान, सुवास भण्डारी र अमृत गुरुङ्गले समान १–१ विकेट लिए । स्याँग्जाका मिलन क्षेत्रिले १४ रन जोडेका थिए ।

तस्विर सौजन्य : सुयोत श्रेष्ठ

Leave a Reply

Your email address will not be published. Required fields are marked *

सम्बन्धित खबर

यो पनि पढ्नुहोस्
Close
Back to top button
Translate
Close
Close