बद्रीलाललाई भक्तबहादुर स्मृती चेसको उपाधि

पोखरा स्पोर्टस । भक्तबहादुर तामाङ स्मृती रेपिड चेस प्रतियोगिताको उपाधि बद्रीलाल नेपालीले जितेका छन् ।

शनीबार सम्पन्न प्रतियोगितामा बद्रीलालले ७ दशमलब ५ अंक जोडे । समान अंकका जोडेका मनिष हमाल र सुजेन्द्र श्रेष्ठ संयुक्त दोस्रो भए । ७ अंक भएका गणेश मानन दुवाल चौथो तथा सुश्रुत दाहाल तेस्रो भएका छन । ६ दशमलब ५ अंकभएका पुर्णराज खड्का, क्षितीज भण्डारी, राकेश रौनीयार, मदन रायमाझी र रुपेस जयसवाल छैटौ देखि १०औ स्थानमा रहे ।

समाज सेवी भक्तबहादुर तामाङको स्मृतीमा उनका छोरा चेस खेलाडी श्याम लामाको प्रायोजन तथा थापाथली चेस पार्क क्लबको आयोजनामा प्रतियोगिता सञ्चालन भएको प्रतियोगिता दुइ दिन सम्म सञ्चालन भएको थियो । प्रतियोगितामा ११३ जना खेलाडीको सहभागिता रहेको थियो ।

रोसी गाउँगाउँपालिका ३ का भक्तबहादुरको गत असोज महिनामा निधन भएको थियो । उनकै स्मृतीमा थापाथली चेस पार्क क्लबको आयोजनामा प्रतियोगिता सम्पन्न भएको हो ।

प्रतियोगिताका विजेताले १५ हजार, उपविजयी खेलाडीले ७ हजार तथा तेस्रो हुने खेलाडीले ५ हजार रुपैया पुरस्कार पाए । प्रतियोगिताका विजेता खेलाडीलाई राष्ट्रिय खेलकुद परिषद्का सदस्य सचिव रमेस सिलवाल र काठमाडौं महानगरपालिका वडा न ११ का अध्यक्ष हिरालाल तण्डुकार लगायतले पुरस्कार प्रदान गरे ।

Leave a Reply

Your email address will not be published. Required fields are marked *

सम्बन्धित खबर

यो पनि पढ्नुहोस्
Close
Back to top button
Translate
Close
Close