मुख्यमन्त्री कप फुटबल प्रतियोगिताको प्रदेश सरकारले एन्फालाई दियो १८ लाख

विजेता लमजुङको त्रिवेणीले अझै रकम पाएन, उपविजेताले भने पायो

पोखरा, मुख्यमन्त्री कप फुटबल प्रतियोगिता २०७६को गण्डकी प्रदेश सरकारले १८ लाख रुपैया अखिल नेपाल फुटबल संघ (एन्फा)मा पठाएको छ ।

गत २०७६ माघ ७ गते देखि १४ गते सम्म लेखनाथ आदर्श खेल मैदानमा सञ्चालन भएको उक्त प्रतियोगिताका लागि आयोजकलाई गण्डकी प्रदेश सरकारले सामाजिक विकास मन्त्रालय मार्फत ४० लाख उपलव्ध गराउने गरि सम्झौता गरेको थियो ।

उक्त रकमको पहिलो किस्ता स्वरुप २० लाख आयोजनाको समय र १८ लाख भने चार महिना ढिलो गरि प्रदेश सरकारले एन्फा केन्द्रलाई उपलव्ध गराएको हो । प्रदेश सरकारले हाल सम्म ३८ लाख उपलव्ध गराएको आयोजक समितीका सचिब आनन्द रञ्जितले जानकारी दिए ।

एन्फाले उक्त रकम प्राप्त गरेपछि विजेतालाई दिनुपर्ने रकम मध्ये उपविजेता आदर्श युवा क्लवलाई ३ लाख भने उपलव्ध गराई सकेको छ भने विजेता मध्येको लमजुङको त्रिवेणी क्लवले भने आफुले पाउनु पर्ने ५ लाख हाल सम्म रकम नपाएको क्लवका अध्यक्ष सिजन श्रेष्ठले जानकारी दिएका छन ।

क्लवका कोषाध्यक्ष संग खाता नम्वर मागिएको तर आजको दिन सम्म खातामा रकम जम्मा नभएको अध्यक्ष श्रेष्ठले बताए । उनले भने –“हामी संग निवेदन मागिएको थियो, हामी त विजेता टिम किन निवेदन मागियो? थाहा छैन, विजेतालाई त सोझै रकम पठाउनु पर्थ्यो ।” विजेता भएको ५ महिना सम्म पनि रकम नपाउँदा आफुहरुले निकै समस्या झेल्नु परेको उनले गुनासो पोखे ।

तर यता अखिल नेपाल फुटबल संघ (एन्फा) गण्डकी प्रदेशका सचिब रमेश कार्कीले भने विजेता टिम त्रिवेणी क्लवलाई पुरस्कार रकम पठाई सकिएको दावी गरे । उनले भने–“रकम नपठाएको हुँदै होइन, किन प्राप्त हुन सकेन हामी यस बारे सोध्ने प्रयासमा छौं ।” उनले क्लवले निवेदन नदिएका कारण रकम नपाएको हुन सक्ने बताए ।

यता उपविजेता क्लव आदर्श युवा क्लव पोखराले आफ्नो पुरस्कार राशी मध्येको ३ लाख नौ दिन अघि खातामा जम्मा भइसकेको क्लवका अध्यक्ष लक्ष्मण भण्डारीले बताए । पुरस्कार रकम प्राप्त भइसकेपनि व्यवस्थापन तर्फ खर्च भएको एक लाख भने प्राप्त नभएको उनले बताए । उनले भने–“हामीले सवै बिल भर्पाइहरु आयोजकलाई बुझाएका छौं, तर रकम पाएका छैनौ ।”

यता आयोजक समितीका सचिब रञ्जितले पुरस्कार रकम एन्फा केन्द्रले सोझै विजेताको खातामा जम्मा गरिसकेको र व्यवस्थापनको खर्च मध्येको रकम पनि आफुहरुलाई प्राप्त भएको बताए । उनले भने–“प्रदेश सरकारले हामीले पाउनु पर्ने मध्येको २० लाखमा १८ लाख दिएको छ, पुरस्कार राशीको ८ लाख क्लवको खातामा सोझै एन्फाले पठाएको र ९ लाख हामीले पाएका छौं, अव सबैको बाकी तिर्नु पर्ने रकम दिने भनेका छौं तर लक डाउनले समस्या पारेको छ ।” गण्डकी प्रदेश सरकारले ४० लाख र ५ लाख एन्फा केन्द्रले प्रतियोगिताका लागि प्रदान गरेको थियो ।

प्रदेश सरकारले पठाएको १८ लाख मध्ये एन्फाले अझै एक लाख भने अझै पठाएको छैन । एन्फाले पुरै रकम पठाउनु पर्नेमा एक लाख किन रोक्यो त्यो भने आफुलाई थाहा नभएको सचिब रञ्जितले बताए । उनले भने–“पुरै रकम पठाउनुपर्ने हो किन एक लाख रोकियो, त्यो विषयमा एन्फा संग सोध्नुपर्ने छ ।”

सम्बन्धित खबर

Leave a Reply

Your email address will not be published. Required fields are marked *

Back to top button
Close
Close