पोखरा स्पोर्टस । विभिन्न पाँच निर्णय गदै नेपाल भलिबल संघको केन्द्रीय कार्यसमितिको सातौं पुर्ण बैठक शनिबार पोखरामा सम्पन्न भएको छ ।
संघका महासचिव जितेन्द्र चन्दका अनुसार बैठकले जिल्ला र प्रदेशको अधिवेशन असार १० गतेभित्र सम्पन्न गर्ने निर्णय गरेको छ । जिल्ला र प्रदेशको अधिवेशन सम्पन्न गर्न बैठकले सात प्रदेशका उपाध्यक्षहरुलाई संयोजक समेत तेकेको छ । जिल्ला र प्रदेशको अधिवेशन सम्पन्न भएपछि आएको नयाँ समितिहरुको नाम राखेपमा बुझाउने चन्दले बताए । त्यसपछि राखेपको स्वकृतीलिएर संघको बैठक बसी केन्द्रीय अधिवेशनको मिति तेक्ने जानकारी दिए ।
गंगाबहादुर थापा संयोजक र राम चन्द र रोशन श्रेष्ठ रहेका तीन सदस्य विधान संसोधन समिति बैठकले गठन गरेको छ । समितिलाई असार १० भित्र प्रतिवेदन बुझाउने समय दिईएको छ । विधानमा केही संसोधन आवश्यक भए त्यसका लागि आएका सुझाव समितिले संकलन गर्ने छ । आएको सुझाव अध्य्यन पछि संसोधन गर्न आवश्यक केही भए संसोधन गरी समितिले प्रतिवेदन केन्द्रीय समितिमा पेश गर्नेछ ।
नेपालमा सन २०२२ भित्र आयोजना गर्नु पर्ने साउथ एशियन महिला भलिबलको लागि उपयुक्त समयहेरी मिति तय गर्ने निर्णय समेत बैठकले गरेको छ । यस वर्षको असोजमा राष्ट्रिय खेलकुद आयोजना हुने र त्यसपछि संघ र प्रदेशको निर्वाचनको हुने भएकाले प्रतियोगिता कुन समयमा गर्दा उपयुक्त हुन्छ अध्य्यन गरि उपयुक्त समयमा मिति तोक्ने निर्णय बैठकले गरेको छ ।
बैठकले संघका महासचिव र कोषाध्यक्षको ०७६ बैशाखदेखि ०७९ बैशाख सम्मको प्रतिबेदन पारित समेत गरेको छ । बैठकले संघका लेखा परीक्षणका लागि लेखा परिक्षक नियुक्त गर्ने निर्णय समेत गरेको महासचिव चन्दले जानकारी दिए ।
