पोखरा ६, माघ ।
कास्की जिल्ला तेक्वान्दो संघको आयोजनामा यही माघ ११ गते देखि पोखरामा गण्डकी प्रदेश तेक्वान्दो प्रतियोगिता २०७५ हुने भएको छ ।
८ औं राष्ट्रिय खेलकुद प्रतियोगिताको तयारी स्वरुप यही माघ १२ गतेसम्म पोखरा रंगशालामा गण्डकी प्रदेशका खेलाडीहरुको प्रतिभा प्रष्फुटन गराउने उद्धेश्य सहित उक्त प्रतियोगिता हुने भएको आइतबार पोखरामा आयोजित पत्रकार सम्मेलनमा जानकारी गरार्ईएको हो ।
हिमालयन कम्प्युटरको मुख्य प्रायोजनामा संचालन हुने प्रतियोगितामा गण्डकी प्रदेशका ७ जिल्लाका करिब ७० जना खेलाडीहरुले विभिन्न तौल समुहमा प्रतिष्प्रर्धा गर्ने भएको कास्की जिल्ला तेक्वान्दो संघका अध्यक्ष जगन बहादुर गुरुङले बताए । उनले भने “युवा–युवतीहरुलाई कुलतबाट जोगाउन, उनीहरुको आत्मवल बढाउन, उत्तरदायी नेतृत्व क्षमता विकास गर्न तथा रोजगारीको अवसर सिर्जना गर्न तेक्वान्दोले अहम भूमिका खेलेको छ ।”
खेलाडी र प्रशिक्षकहरुको क्षमता अभिवृद्धि गर्दै उत्कृष्ट परिणाम प्राप्त गरि महानगरपालिका जिल्ला प्रदेश र नेपालकै शान बढाउन नयाँ प्रतिभावान खेलाडीहरु पहिचान गर्न यस्ता प्रतियोगिताले सहयोग पु¥याउने अध्यक्ष गुरुङको भनाई थियो । आन्तरिक र वाह्य पर्यटन प्रवद्र्धन गर्न समेत उक्त प्रतियोगिताले थप सहयोग पुग्ने उनले बताए ।
प्रतियोगितामा उत्कृष्ट फाईटर महिला तथा पुरुषलाइ जनहि १० हजार पुरस्कार प्रदान गर्ने अध्यक्ष गुरुङले जनाए । अन्य विजेताहरुलाई मेडल तथा प्रमाणपत्र वितरण गरिने छ । प्रतियोगिता सम्पन्न गर्न ४ लाख २८ हजार खर्च लाग्ने प्रतियोगिताका संयोजक कुलचन्द्र शर्माले बताएका छन । “स्वस्थ्य अनुशासित र सुरक्षित नागरिक हाम्रो अभिभारा”को मुल उद्धेश्य लिई स्थापना भएको संघले कास्कीमा २३ वटा डोजाङ र स्कुलहरुमा १ हजार २ सय भन्दा बढि खेलाडीहरुलाई तेक्वान्दो खेलको प्रशिक्षण दिदै आइरहेकोे छ ।
यसैबिच, संघका अध्यक्ष गुरुङले आफुहरुले प्राप्त मात्रमा जग्गा प्राप्त गर्न नसक्दा तेक्वान्दोको कभर्ड हल बनाउने अभियान अन्र्तगत निमार्ण कार्य अघि बढ्न नसकेको बताए । विगत ८ बर्ष देखि आफ्नै कभर्ड हल निमार्णको लागि लागेको संघले हालसम्म स्वदेशी तथा विदेशी दाता, देउसी भैलो लगायतका कार्यक्रमबाट ४० लाख रुपैया समेत जुटाएको छ ।
पत्रकार सम्मेलनमा संघका वरिष्ठ उपाध्यक्ष राजु श्रेष्ठ, उपाध्यक्ष निर्मला बराल र सहसचिब ललित बहादुर धामी लगाएतको उपस्थिती रहेको थियो ।
