पोखरा, १८ साउन ।
नेपाल र नेदरल्याण्डस बिचको दोश्रो तथा अन्तिम खेलमा नेपालले सम्हालिएर व्याटिङ गर्दै ४८.५ ओभरमा २ सय १६ रन बनाएको छ । टस जितेर ब्याटिङ रोजेको नेपालले घरेलु टिमलाई २ सय १७ रनको लक्ष्य प्रस्तुत गरेको छ ।
नेपाली टिमका कप्तान पारस खड्का ५१ रन र सोमपाल कामीले ६१ रनको पारी खेले पछि नेपाल केही बलियो स्थितीमा देखिएको छ ।
पहिलो विकेटका लागि नेपालले ज्ञानेन्द्र मल्ल र शुबाष खकुरेलको जोडीले २९ रनको पार्टनरशिप म्याच खेलेको भए पनि तेश्रो बिकेटका लागि अनिल शाह भने ४ रनको व्यक्तिगत स्कोरमानै आउट भए ।
ज्ञानेन्द्रले २४ बलमा २ चौकाका साथ १३ रन जोडेका थिए । सुवासले ३३ बलमा ३ चौकासहित १९ रनको पारी खेले । कप्तान पारसले इनिङ सम्हाल्ने क्रममा अर्धशतक पुरा गर्दै ६९ बलमा ६ चौका र २ छक्कासहित ५१ रन बनाएका थिए । यसै गरि ४६ बल खेलेका सोमपालले ५ चौका र ३ छक्कासहित ६१ रन बनाए ।
खेलमा दीपेन्द्रसिंह ऐरी १९, आरिफ शेखले १६, सन्दीप लामिछानेले ८, रोहित पौडेलले ६, बसन्त रेग्मीले १ रन र ललित भण्डारी अविजित ४ रन बनाए ।
नेदरल्याण्ड्सका लागि फ्रेड क्लासिनले ३, पियटर सिलार र माइकल रिपोनले २–२ बिकेट लिए ।
