काठमाडौ, २१ असार
नेपालका लागि थाइल्यान्ड दुतावासको आयोजनामा मुँवा थाई वर्कशप सम्पन्न भएको छ ।
सहभागीलाई लाना फाइटिङका अन्तर्राष्ट्रिय इन्स्ट्रक्टर वितावात का सोम (wittawat ka som) को नेतृत्वमा रहेका ४ प्रशिक्षकले प्रशिक्षण दिएका थिए ।
लगनखेल स्थित सैनिक शारीरिक तालिम तथा प्रशिक्षण केन्द्रमा भएको तीनदिने मुँवा सेमिनारमा खेलाडी, प्रशिक्षक र रेफ्री गरी कुल ६० जनाको सहभागिता थियो ।
सेमिनारमा मुँवा थाई नयाँ नीति नियम, इतिहास प्रशिक्षण शैली र विभिन्न प्रकारका टेक्निक बारे प्रशिक्षण दिएको राष्ट्रिय मुवाँथाइ संघ नेपालका अध्यक्ष गणेशलाल कक्षपतिले जानकारी दिए ।
सहभागीलाई सांसद अमृता थापाले एक कार्यक्रमबीच प्रमाण पत्र वितरण गरिन् ।
