ब्यवसायिक जिवनमा गोल गर्न आतुर ईश्वर जसले पोखरामा शुरु गरे ‘स्पोर्टस क्यासल’

केशब पाठक,
पोखरा,
४२ वर्षमा टेकेका नेपाली फुटबल टिमका पूर्व राष्ट्रिय खेलाडी इश्वर गुरुङ (चन्द्र) आफूमा अझै पनि धेरै फुटबल खेल्ने धोको रहेको भन्न छोडदैनन । तर अब उनी फुटबलर भन्दा पनि व्यवसायीक जिवनलाई अगाडी बढाउँदैछन ।

 

पोखरा भन्ने वित्तिकै लाहुरेको बस्ती । त्यसमा पनि गुरुङको छोरा, लाहुरे बन्ने धोको इश्वरमा नभएको त होइन । तर पटक–पटक फालिए । तर फुटबलमा उनी अव्व्ल खेलाडीका रुपमा चिनिन्थे । फुटबलकै कारण एसलसी भन्दा अध्ययन अगाडी वढन पनि सकेन । मैदानमा जोशका साथ खेल्ने उनको नियती नै थियो । संधै गोल गर्ने भोकमा उनीले आफ्नो खेल जिवनमा एनआरटी र मनाङ मस्र्याङदी टिम बाट प्रतिनिधित्व गरे ।

 

लाहुरे हुने रहरलाई उनले फुटबलमा जहिले सम्म खेले वाही वाही पाए । नेपाली १९ वर्ष मुनीको टिम बाट खेल्न वंगालादेश सम्म पुगे । नेपाल निलो बाट समेत देशको प्रतिनिधीत्व गरेर खेले । सपनामा समेत फुटबल पछि नेपालमा नै व्यवसायिक जिवनमा फड्को मार्न सक्छु भन्ने उनले कल्पना समेत नगरेको उनी बताउँछन । आफ्नो नशा नशामा फुटबलको रगत दौडि रहेको भन्न रुचाउने इश्वर, अव व्यवसायिक फुटबलको मैदान होमिएका छन ।

 

करिब ९ वर्ष देखि डिलाइट स्पोर्टस खोलेर व्यवसायमा खुट्टा जमाएका इश्वर अहिले भने केही साथीहरु संग मिलेर पोखरा ४ स्थित रामकृष्ण टोलको गणेश मन्दिर नजिक स्पोर्टस क्यासल पोखरामा स्थापना गरेका हुन । फुटबल पछि फुटसल खेलेर समय विताएका इश्वरले संधै सानो फुटसलमा खेल्दा–खेल्दै अव आफ्नै ठूलो र अन्तर्राष्ट्रिय मापदण्डको फुटसल मैदान बनाउने सपना उघ्रियो । त्यही सपनालाई साकार दिन एक वर्ष देखि साथीहरु संग मिलेर फत्ते गर्ने अन्तिम अवस्थामा उनी उभिएका छन ।

 

जिवनमा खेलेर संधै मायाँ गर्ने साथीभाई मात्रै होइन खेलाडी पनि एक राम्रो व्यवसाय बन्न सक्छ भन्ने उदाहरण पेश गर्ने इश्वरको स्पोर्टस क्यासल यहि भदौ १४ बाट शुरु हुँदैछ । ‘एक्लै हुन्थे भने आँट आँउनेथिएन होला तर साथीहरु संग जोडिएर गर्दा अब व्यबसायको नयाँ मोडलमा प्रस्तुत हुन प्रयासरत छौं’ उनी भन्छन–‘एउटा अन्तर्राष्ट्रिय मापदण्डको फुटसल मैदान र नयाँ प्रविधी यूक्त जिम खोल्ने चाहना थियो त्यो पुरा भयो ।’

 

 

यति बेला कोही उनी संग औधी खुसी छन त ति हुन अमेरिकामा रहेका आफ्ना आमा बुवा र श्रीमती । ‘अमेरिका बाट वुवा आमा यहि डिसेम्वरमा आउने भन्नु भएको छ’ उनले भने–‘उहाँ दुवै जना मेरो काम बाट निकै प्रभावित बन्नु भएको छ, यसले मलाई काम गर्न निकै हौसाएको छ ।’ सात जना साथीहरु संग मिलेर शुरु भएको स्पोर्टस क्यासल पोखराकै सुविधा सम्पन्न स्पोर्टस क्यासल हो । करिब ५ करोड भन्दा बढी लगानी भइसकेको स्पोर्टस क्यासलमा सुविधाजनक जिमले सबैलाई आर्कषित बनाउँछ ।

 

श्रीमती रश्मी सहित एक छोरा र एक छोरीका धनी इश्वरको मिलनसार स्वाभावले उनीमा ब्यवसायीकताको सम्पूर्ण झल्को दिन्छ । मैदानमा जुन जोशका साथ विपक्षी विरुद्ध गोल गर्न आतुर हुन्थे त्यो भन्दा निकै फरक सरल स्वभावले उनले व्यवसायीक जिवनलाई अगाडी बढाउने जर्मको गर्दैछन । फुटबल स्टेडियमको मैदानमा संयौ दर्शकका विच जिवनमा आफूले टिमलाई जिताउन धेरै गोल गरेको इतिहास भएपनि व्यवसायिक जिवनको मैदानमा अब गोलको वर्षा गर्न उनी आतुर देखिन्छन तर गम्भिर रुपमा ।

स्पोर्टस क्यासल संगै खुलेको खाजा घर पनि निकै उत्कृष्ट छ । जिम आउनेलाई आवश्यक पर्ने जुश संगै स्वादिष्ट र स्वस्थकर खाजा समेतले स्पोर्टस क्यासलले थप सुविधा प्रदान गरेको छ ।

तस्बिरः सुदर्शन रंजित

सम्बन्धित खबर

Leave a Reply

Your email address will not be published. Required fields are marked *

Back to top button
Close
Close